تحدث الإعلامي محمود سعد عن شعوره بالعجز الكامل لعدم تمكنه من تقديم أي مساعدات لأهالي غزة، وتعرضهم للجوع وهو يشاهدهم أمامه على الشاشات في هذا الحال.
قال “سعد” خلال مقطع فيديو نشره عبر حسابه الرسمي على موقع التواصل الاجتماعي وتبادل الصور والفيديوهات “إنستجرام”: “مكنتش أتصور أبدا أني أعيش وأحس بالعجز الكلي، العجز الكامل، أنا وكل اللي حواليا وكل اللي أعرفهم وكل العرب”.
تابع: “كلنا مش قادرين نقدم شوية رز لغزة.. هل أنا كنت أتصور أني أفضل عايش وفي حد عربي شايفه قدامي بيموت من الجوع!”.
نرشح لك: الخميس.. أشرف زكي ومواهب المعهد العالي للفنون المسرحية في ضيافة منى الشاذلي
أضاف: “ممكن يكون واحد بيموت من الجوع وأنا مش عارف هو فين، إنما ده أنا شايفه وطالعلي في الصور وبيموت من الجوع قدامي، وأنا قاعد أتفرج على التلفزيون وبعدين أحوّل المحطة عشان أتفرج على المسلسل ونتعشى ونخرج.. ده مش عجز، ده خيبة وخزي وعار وقلة قيمة”.
