تحدث إبراهيم البرنس مدير أعمال المطرب الراحل أحمد عامر، عن تفاصيل جديدة بشأن الأزمة الصحية الذي تعرض لها قبل يوم من وفاته، نافيًا رحيله بسبب أزمة قلبية، كما تردد على عدد من صفحات التواصل الاجتماعي.
أوضح إبراهيم البرنس، في مداخلة مع الإعلامية نهال طايل، ببرنامج “تفاصيل”، المذاع عبر قناة “صدى البلد 2″، أن الراحل أحمد عامر شعر حالة من الإعياء في معدته، مضيفا: “أحمد شعر بوجع في بطنه، قبل يوم من وفاته وراح كشف والدكتور قاله ده شوية برد وأكلك مش منتظم، وقاله يمشي على نظام غذائي صحي، وكتبله على علاج، أخده ونام ساعتين وبعدها جالي على الشغل في المنصورة، وكان بيهزر مع الفرقة على المسرح وخلص نمرته ونازلين على القاهرة”.
أضاف مدير أعمال أحمد عامر: “فجأة معدته وجعته تاني، وسمعنا أقوايل أنهم رجعوه المشرحة في طنطا، أنا مش عارف اللي بيحب ياخد تريندات على حد متوفي، بدل ما تدعيله؟! حتى وهو ميت عايز تاخد تريند عليه”.
كشف إبراهيم البرنس، سبب تأخير إصدار تصريح دفن جثمان أحمد عامر: “تصريح الدفن اتأخر لأننا كنا في مستشفى خاصة ولما قالولنا أنه مات مكناش مصدقين وكنا بحالة ذهول، وخدناه وهو متوفي وطلعنا بيه على مركز القلب في مدينة المحلة، وهما هناك مادونيش تصريح الدفن، وده اللي أخر إصدار تصريح الدفن”.
تساءل: “إزاي هيروح مشرحة طنطا وإحنا خارجين من نفس الجامع اللي دخلنا نصلي فيه، بعدها بساعة لما التصريح طلع؟”.
