حل أحمد مصطفى زيزو لاعب الأهلي، ضيفا على برنامج “الكورة مع فايق” المذاع على شاشة mbc مصر 2 ويقدمه الإعلامي إبراهيم فايق.
تحدث زيزو خلال الحلقة عن كواليس انتقاله من الزمالك إلى الأهلي في صفقة انتقال حر وكواليس الفترة الأخيرة، وفيما يلي أبرز التصريحات:
– أكيد أحببت الزمالك، لا يجب أن نقتصر الـ 6 سنين التي مضت في 6 شهور أو في لقطة.
– أنا معنديش مصلحة في الوقت ده مع الزمالك، لا أنا عايز مصلحة إن الجمهور يبقى متعاطف معايا لأن ده مش هيحصل وأنا متفهم ده كويس لأن 8 شهور الناس بتقول حاجات وهما بيصدقوها وأنا مطلعتش دافعت وراهنت شوية إن الجمهور مش هيصدق حاجة زي دي علشان اللاعب ده عمل كذا موقف معاه
– أنا عامة مبحبش اتكلم، كان أولى إن أنا اطلع ارد لأني واحد أبوه بيتشتم بقاله 7 أو 8 شهور
– ماليش مصلحة في اللي بقوله غير أني محتاج ادافع عن نفسي على الـ 6 سنين اللي فاتوا.
– والدي لم يطلب 100 مليون جنيه للتجديد مع الزمالك.
– أنا جيت الزمالك في 2019 وجددت مرتين، هل حد عنده الجرأة يقول إن أبويا مخدش جنيه من الزمالك؟ مع إن أي وكيل بيدخل بياخد فلوس.
– واحد جددلك 3 مرات مخدش جنيه، بيسمسر في ابنه ازاي؟ أبويا عمره ما طلب فلوس في حياته، إزاي تطلعه بالصورة دي؟
– بعد شهر يناير، أنا اللي طلبت عمولة لوالدي من الزمالك، أنا كنت شايف إنه حقه، ودي حاجة شرعية جدا، وهو وكيلي.
– كما كشف زيزو سبب انتقاله للأهلي، قائلا: “جمهور الأهلي جمهور محترم، فيه ناس كتير قريبة مني ومن عائلتي أهلاوية وده أكبر سبب يخليك تاخد خطوة زي دي، كان عندي عروض كبيرة جدا، الموضوع مش موضوع فلوس، هو موضوع شغف، نادي كبير بيلعب في بطولات كتيرة، عايز تبني معاه حلم جديد وتاريخ جديد، ده أنسب نادي تعمل فيه كده”.
نرشح لك: استمع.. أغنية “زيزو في الأهلي”
