أكد اللاعب أحمد مصطفى زيزو أنه التقى مجلس إدارة نادي الزمالك الحالي عقب تلقي عرض نادي نيوم السعودي، مفسرا أسباب فشل الصفقة: “الفكرة إن إحنا عاوزين نطلع الصورة إن زيزو هو اللي عاوز يمشي من نادي الزمالك، اطلع قول للناس إنك عاوز تمشي”. وأضاف: “أنا قولت بالنص، يا جماعة بعد اذنكم دا عرض جاي لنادي الزمالك، نادي الزمالك شايف إن هو في احتياج للفلوس دي بعوني، شايفين إن انتوا عندكم ومش عاوزين الفلوس دي وقادرين انكم تجددوا العقد يبقى خلاص اعملوا كده”. واستكمل “زيزو” خلال حواره: “مش دوري إن أنا أوافق أو أرفض، أنت دلوقتي عرض وعقدي موجود في النادي، عرض جه لنادي الزمالك وافق أو ما توافقش دي حاجة بتاعتك”. وأكمل: “من وقت ما جيت نادي الزمالك وانا ما بقولش حاجة، يعني أنا تعالا جدد تمام هجدد، ما تجيش تجدد خلاص مش هاجي، ماحدش يتكلم معايا ومش هطلب حد يجي يقعد معايا بس”. وبشأن المستحقات؛ قال اللاعب أحمد مصطفى زيزو إنه لا يوجد وقت كان هناك انتظار في المستحقات. وقال اللاعب أحمد مصطفى “زيزو” إنه تلقى عرضا من نادي نيوم السعودي بصفقة تبلغ حوالي 6 ونصف مليون دولار، وذلك في شهر أغسطس 2024.
وأضاف “زيزو” خلال حوار تلفزيوني ببرنامج “الكورة مع فايق” تقديم الإعلامي إبراهيم فايق أن هذا العرض كان رسميا، ووصل خطاب رسمي إلى النادي، وهناك من وافق على العقد والبعض الآخر رفض. لافتا: «ماليش مصلحة في أي حاجة، ما عنديش مصلحة في الوقت دا مع نادي الزمالك، ما عنديش أي حاجة، لا عاوز الجمهور يبقى متعاطف معايا». وأشار إلى أنه راهن على جمهور الزمالك أنه لن يصدق ما يتردد، مستكملا: “كان أولى ليا إن اطلع واحد أبوه بيتشتم بقاله 8 شهور، كان أولى إني اطلع أرد، لكن أنا مش في دماغي أعمل كده”. وأكمل “زيزو” حديثه؛ قائلا: “كل اللي انا بقوله إني ما عنديش مصلحة في اللي بقوله إلا أني محتاج أدافع عن نفسي على 6 سنين اللي فاتو، مش على المواقف اللي حصلت”.
