قال الدكتور عمرو الورداني، أمين الفتوى بدار الإفتاء المصرية، إن يوم عرفة من أعظم أيام الله، ويستحق أن يُرتب له الإنسان جدول أعمال روحاني، يُعينه على اغتنام كل لحظة فيه، مقترحًا برنامجًا يبدأ من صلاة الفجر وحتى الشروق، ثم يمتد طوال اليوم.وأضاف أمين الفتوى بدار الإفتاء المصرية، خلال حلقة برنامج “مع الناس”، المذاع على قناة الناس، اليوم الأربعاء: “أول عمل هنعمله في يوم عرفة إننا نبدأ من صلاة الفجر ونفضل قاعدين في مصلى الصلاة لحد الشروق، لأن النبي ﷺ قال إن اللي يصلي الفجر ويقعد في مصلاه يذكر الله حتى تطلع الشمس، ثم يصلي ركعتين، يُكتب له أجر حجة وعمرة تامة، تامة، تامة”.وتابع: “الفجر بيأذن الساعة 4:09 تقريبًا، والشروق بيكون حوالي الساعة 5:53، يعني بعد ما نصلي الفجر وناخد وقتنا، قدامنا ساعة وربع تقريبًا نقدر نعمل فيهم 3 أعمال مهمة جدًا”:وأضاف: “أذكار الصباح والمساء بس مش أي أذكار، هنقولها بطعم جديد، لما نقول ‘أصبحنا وأصبح الملك لله’، نحاول نحس كأننا أول مرة نشوف العالم، كأننا بنتعرف عليه لأول مرة، لأن يوم عرفة يوم بيتجلى فيه الله على عباده بتجلي عجيب”.
وتابع: “نصلي على حضرة النبي صلى الله عليه وآله وسلم كتير، شكرًا لله إنه أرسل لينا هذا الحبيب، وجاب لنا الخير كله عن طريقه، أيضا اقرأ السورة اللي قلبك متعلق بيها، لأنك هتلاقي نفسك عايز تعيش بيها، وتتصرف على ضوء معانيها.. السورة اللي بتحبها بترسم وجدانك، وبتخلي بينك وبين القرآن علاقة حب حقيقي”.
