
أعربت الفنانة نبيلة عبيد عن قلقها وحزنها من تعديلات قانون الإيجار القديم، التي قد تؤدي إلى فقدانها شقتها في شارع جامعة الدول العربية.
أوضحت نبيلة عبيد في تصريحات صحفية: “الشقة كانت مملوكة لوالدتي وفيها كل ما أملك من أغراض وصور وذكريات وتاريخي السينمائي كله موجود فيها بداية من رابعة العدوية والراقصة والسياسي وكل أعمالي الناجحة”.
تابعت: “أجيب منين مكان أحط فيه كل تعبي ده؟ وفني اللي خايفة أرميه بعد كده يبقى على سور الأزبكية أنا خايفة على تاريخي مينفعش تترمي؟”.
استكملت: “أنا بستغيث مينفعش ده تاريخي السينمائي كله في الشقة دي لما بفتحها بشم ريحة نجاحي وريحة أمي فيها كل صوري اللي كنت باخدها موجودة في الشقة دي لما بخشها برتاح مقدرش من يوم وليلة يحصل كده أنا مجرباها ومجربه اللي أنا فيها دي كانت قدم الخير عليا وبتمنى أرجعلها”.
اختتمت: “أنا وحيدة لا اتجوزت ولا خلفت وبشم ريحة أمي ونجاحي فيها، وعايشة حاليا في شقة غيرها لكن دي الشقة الأقرب لقلبي، سيبوهالي”.
نرشح لك: 12 يوليو.. أسعار وتفاصيل حفل آمال ماهر في مهرجان “ليالي مراسي“