ودع الفنان صلاح عبدالله، محمود عبدالرازق شيكابالا، قائد الفريق الأول لكرة القدم بنادي الزمالك، بعد اعتزاله كرة القدم بقصيدة نثرية.
كتب “عبد الله” عبر حسابه على “فيس بوك”: “نثرية كروية في حب شيكابالا بعد أن أعلن اعتزاله”.
قصيدة صلاح عبد الله في وداع شيكابالا:
الكورة عاشت بتقولك تعالى
خدني وإحضني ياشيكابالا
وإركني في الزاوية اللي في بالك
لإنها الزاوية اللي في بالي
يا فهد يا أسمراني
فيك حاجة محيراني
إزاي كنت بتسمعن
ي وتلبي ندايا في ثواني
والأعجب والأغرب شيكا
لما بتعزفني مزيكا
ترقيص وباصات ولا الثروهات
والهات وخد والخد وهات
وعمرك ماكنت أناني
يافهد يا أسمراني
يابني الزملكاوية جدودك
ورثوا عشقهم ليا لولادهم
اللي بوجودك زاد حبهم مية مية
وأعلن محمود عبد الرازق شيكابالا قائد نادي الزمالك اعتزاله كرة القدم رسميًا، موضحًا خلال برنامج “الكورة مع فايق” مع إبراهيم فايق: “أنا من سنة كنت مقرر أنها هتكون آخر سنة ليا، الرحلة قفلت حلو وجمهور الزمالك مبسوط، وحاسس إني أديت وعملت كل حاجة ومش هقدر أأدي تاني.. إن شاء الله نادي الزمالك يقدم 100 شيكابالا تاني، والزمالك قادر”.
نرشح لك: ميدو: موهبة شيكابالا كانت تؤهله يلعب في أكبر أندية العالم
