طرحت الفنانة أصالة ألبومها الجديد عبر قناتها الرسمية على موقع الفيديوهات “يوتيوب”، والذي يحمل اسم “ضريبة البعد”.
يضم الألبوم 10 أغاني، هي: “كلام فارغ”، “عندي اكتفاء”، “المال السايب”، “ضريبة البعد”، “أنا هنساك”، “مش وحشة”، أحبك أكرهك”، “كل التفاصيل”، “العنب الساقع”، و”أيها المواطن”.
ومن بين أغاني الألبوم، أغنية “مش وحشة” من كلمات محمود عادل كلازا، وألحان مصطفى العسال، وتوزيع محمد مصطفى.
وجاءت كلمات الأغنية كالتالي:
انا مش وحشه
انا ست الناس اللى انت عرفتها ف حياتك
ومعاها عرفت نجاحك ده وإثبات ذاتك
انا أجمل قصه اتكتبت ف تاريخ حكاياتك
انا كنت الشمس اللى منوره ليل غلطاتك
انا كنت الفرصه اللى انت سنين اتمنتها
الحاجة الحلوة في رحلة عمر انت مشيتها
مش مرحله سهل تقول انك يوم عدتها
وانا أكتر واحده هتندم انك حبيتها
انت ايه زعلان يا حرام
لا صعبت عليا حرام
بيقولولوى انك ندمان
يا حرام يا حرام
شكلك اتغير يا حرام
انت مش بتنام ؟ يا حرام
حتى لون وشك بهتان
يا حرام يا حرام
انا مش وحشه
انا طاقه القدر اللي انت حلمت كتير بيها
انا سكه خير كان نفسك يوم تجرى عليها
ياما إترجيت علشان تعرف إيه يرضيها
و اللى هتفضل عمرك كله بتحلف بيها
انا راسى ل فوق ف السما زى النجمه بعيده
سهل تعديك وتكون بعدك واحده جديده
وتقولك عادى اتشرفنا وفرصه سعيده
ياحرام انا عارفه ان الصدمه بجد شديده
