الناس اللي كانت فاكرة إن الجنيه هيفضل ينزل قدام الدولار طول الوقت، ممكن تبص حواليها دلوقتي وتشوف اللي بيحصل.فيه توقعات قوية من خبراء كبار زي هاني جنينة، رئيس قطاع البحوث في الأهلي فاروس، إن الجنيه هيرتفع تاني قدام الدولار بنسبة ممكن توصل لـ5٪ قبل نهاية السنة.. يعني ممكن يوصل لـ47 جنيه للدولار.الكلام ده مش مجرد أمنيات، ده جاي في سياق تحركات حكومية مدروسة، واهتمام واضح بتحسين مؤشرات الاقتصاد، خصوصا بعد ما شوفنا استثمارات جديدة داخلة، ودفعات من القروض الدولية اللي بدأت تفك الأزمة شوية.وفيه إشارات من السوق بتقول إن الثقة بترجع تدريجي مع تراجع معدلات التضخم تدريجيا، وكمان لما السياحة تشتغل والإنتاج المحلي يتحسن.. كل ده بيدي الجنيه شوية نفس ويخليه يعلى قدام الدولار.يعني لو انت مستني الدولار يطير لفوق، خليك واخد بالك إن السوق بدأ يقول غير كده.. والنص التاني من السنة ممكن يفاجئ ناس كتير.
