
تحركات الدهب محليا وعالميا، حطت الناس في قلق وخوف كبير، وطبعا لأن كله خايف على فلوسه ومش عارف يستثمر في إيه.. والسؤال اللي بيتكرر كل يوم هو: هو الدهب رايح على فين؟.. وإيه أفضل أنواع الاستثمار عشان تحافظ على فلوسك؟كل شوية الناس بتسأل نستثمر فلوسنا فين؟، هل الاستثمار في الدهب ولا العملات والشهادات والعقارات، وللإجابة على السؤال ده لازم الأول تعرف أن الدهب هو أفضل وسيلة للادخار في الفلوس اللي فايضة معاك عن الحاجة، أو الفلوس اللي بتشيلها للزمن والأيام الصعبة، ده غير أنه أفضل من العقار، لأنه وزنه خفيف وسهل النقل وسريع البيع.الدهب كالعادة هو الملاذ الآمن الأول، بمعنى أنه بيتم الطلب عليه في حالة عدم الاستقرار العالمي، لأنه ماجة محدودجة في العالم، بس مع ارتفاع أعداد البشر بيزيد الطلب عليه، وبالتالي استمرار ارتفاع أسعاره.أما بقى لو عايز تستثمر في العملات، وتحديدا الدولار، فبالرغم أنه من أقوى العملات في العالم، إلا أنه مجرد ورق، بس عشان قوته اللي جاية من كونه عملة أمريكا اللي تعتبر أكبر دولة في العالم اقتصاديا وعسكريا، فده يعتبر من أفضل الخيارات للادخار، بس في حالة أنك هتقارنها بالدهب أو العقار، فطبعا لازم تصرف نظر عن الدولار، لأنه مجرد عملة ممكن تتراجع بشكل كبير وده هيخسرك كل فلوسك.رغم هبوط الدهب، بس يعتبر هو الملاذ الآمن اللي ممكن تستثمر فيه، لأنه بيحافظ على فلوسك من عوامل التضخم وارتفاع أسعار السلع، وده حتى لو حصله هبوط في أي وقت، بس بعد كده هيواصل الزيادة على المدى البعيد.بس هل فيه طريقة تانية تستثمر فيها فلوسك؟بعد التحركات الأخيرة في سعر الدهب، فيه استثمارات بديلة أو مكملة للدهب تقدر تحط فلوسك فيها، كمان بينصح الخبرا أنك تنوع المحفظة الاستثمارية ومتعتمدش بشكل كامل على الدهب، خاصة لو بتدور على عوائد أعلى واستثمارات مخاطرها قليلة.طبعا تقدر تستثمر فلوسك في العقارات، واللي بتعتبر كويسة جدا على المدى البعيد، خاصة في ظل التضخم اللي بيحصل، ده غير أنه بيوفر دخل إيجابي من خلال الإيجارات.كمان من الطرق البديلة للاستثمار، أنك تحط فلوك في الأسهم، لأن سوقها بيوفر فرص لتحقيق عوائد أعلى من الدهب على المدى البعيد، لكن فيها مخاطر عالية جدا.ومن الطرق البديلة كمان، هي صناديق الاستثمار المتداولة واللي بتوفر وسيلة فعالة لتنويع الاستثمارات في مختلف القطاعات، بما فيها الدهب والأسهم والعقارات وغيرها، أما بالنسبة للسنجات، فهي بديل ممتاز للاستثمار، أما سندات حكومية أو سندات الشركات، واللي بتعتبر استثمار آمن نسبيا وبتوفر دخل ثابت.أما بقى لو ناوي تستثمر فلوسك في الشهادات الادخارية، دي مخصصة للناس اللي بتدور على دخل ثابت وعائد مضمون على المدى القصير والمتوسط.الخلاصة، لازم تحط في الاعتبار أنه تنوع المحفظة الاستثمارية، ومتحطش كل فلوسك في استثمار واحد، ولازم تنوع استثماراتك عشان تخفف المخاطر، ده غير أنك لازم تتأكد أنك تستثمر فلوسك اللي ممكن تتحمل خسارتها، لكن متحطش فلوسك اللي ممكن تحتاجها ف المستقبل القريب، ولازم ولا بد تستشير مستشار مالي مؤهل عشان يقدر يقيم وضعك المالي وأهدافك الاستثمارية.