شهادات الادخار واحدة من الحاجات اللي عليها بحث كتير جدا في الوقت الحالي خصوصا بعد القرارات الأخيرة بتاع البنك المركزي بخفض أسعار الفائدة.. يا ترى ايه هيا اعلي البنوك اللي بتقدم اعلي شهادات ادخار .. والفائدة بتاعته بتوصل لكام وشروطها ابة الشهادات دي. القرارات الأخيرة للبنك المركزي بخفض أسعار الفائدة على شهادات الادخار خلت الأنظار كلها تتجه وتدور علي البنوك اللي بتقدم اعلي شهادات ادخار خصوصا أن خلال شهر يوليو اللي جاي هيكون في اجتماع جديد للجنة السياسات النقدية بالبنك المركزي لمناقشة أسعار الفائدة في الفترة اللي جاية واللي متوقع أنه يخرج عنه قرار بخفض جديد لأسعار الفائدة.طيب اية هيا البنوك اللي بتقدم اعلي شهادات بفايدة كويس؟.شهادات الادخار واحدة من الخدمات المهمة جدا اللي بتقدمها البنوك للعملاء واللي بيكون عليها اقبال كبير من المستثمرين والعملاء، وفي اكثر من بنك حاليا اعلن عن شهادات بعائد كويس جدا للعملاء وأولهم بنك القاهرة واللي بيقدم شهادة البريمو، والشهادة دي بتوصل مدتها ل 3 سنين والعائد بتاعتها بيكون متغير وبيوصل ل 27% سنويا وبدورية صرف شهريا، والحد الأدنى لشراء النوع ده من الشهادات بيوصل ل1000 جنيه ومضاعفاته.في بعض الناس بتلجا لسحب الشهادة قبل معياد استحقاقها،. وهنا بنك القاهرة حط شروط محدودة للنوعية من العمليات وفي حالة الاسترداد المبكر بيتم خصم 9.25% في السنة الأولى، وخصم 8.75% في السنة الثانية، وخصم 8.25% في السنة الثالثة.تاني شهادة معانا النهاردة هيا الشهادات البلاتينية من البنك الأهلي المصري ودي العائد بتاعها بيكون متغير ومدتها بتوصل ل 3 سنين، والعائد السنوي لها بيوصل ل 25.25%، والبنك بيقدم دورية ربع سنوية للصرف علي النوع ده من الشهادات، والشهادة دي بتوفر عائدا مرن بيتناسب مع تحركات السوق.البنك الاهلي المصري بيقدم كمان شهادة إسمها الشهادة البلاتينية ذات العائد المتدرج (شهريا)، ودي مدتها بتوصل ل 3 سنين، والعوائد بتاعتها في السنة الاولي بتوصل ل24%، والسنة التانية عوائدها بتوصل ل 20%، والسنة الثالثة العائد بيوصل ل16%، وكمان بتكون دورية الصرف شهريا.ثالث شهادة موجودة معانا النهاردة هيا شهادة الماسية من بنك البركة، واللي بتوصل مدتها ل 3 سنين، العائد بتاعها بيوصل ل19% سنويا، ودورية الصرف بتكون شهرية، والحد الأدنى لشرائها بيبدا 1000 جنيه ومضاعفاته.
