علق الإعلامى عمرو أديب على حادث الطريق الدائرى الإقليمي بالمنوفية قائلا:” الطريق فيه مشكلة ودى كارثة عايزين كام واحد يمـ.وت علشان تتحركوا وتشوفوا الطريق ده.. فتيات فى عمر الزهور راحوا”. وتابع عمرو أديب منفعلا ،” “تولع الفلوس هى دى بيانات الدولة فين بيانات الدولة حسوا بالناس 200 الف جنيه إيه اللى بتتكلموا عليها .. البنات حياتها راحت على 130 جنيه.. شوفوا الطريق اللى بيحصل فيه حوادث كتير والناس هناك بيقولوا الطريق ده بيحصل فيه حوادث كتير”. وقال عمرو أديب” الوزراء مش هنا مابتشوفهمش فى الحتت دى الناس واقفة على الأرض لوحدها محدش من المسئولين راح للناس .. فين الوزراء ولا أنت فى وزراء تقدر تحاسبهم ووزراء لا يا سيادة رئيس الوزراء”. ووجهت الدكتورة مايا مرسي وزيرة التضامن الاجتماعي قطاع الحماية الاجتماعية بالوزارة والهلال الأحمر المصري بتنفيذ دراسات الحالة لأسر ضحايا حادث التصادم المروع الذي شهده الطريق الإقليمي في نطاق مركز أشمون محافظة المنوفية، وأسفر عن وقوع العديد من الضحايا والمصابين. كما وجهت وزيرة التضامن الاجتماعي الهلال الأحمر المصري بتقديم التدخلات والمساعدات والدعم اللازم لأسر الضحايا والمصابين ، فضلا عن سرعة الانتهاء من كافة الأبحاث الاجتماعية اللازمة لدعم أسر الضحايا، وصرف التعويضات اللازمة. وتقدمت الدكتورة مايا مرسي بخالص التعازي لأسر الضحايا، مؤكدة أن الوزارة ستقدم كل سبل الدعم والرعاية الاجتماعية لهم.
