هو ايه حكاية المشروع اللي هيتنفذ في مصر وبقي حديث الصحافه الخليجية.. وازاي المشروع هيكون طفرة جديدة في التنمية الاقتصادية.. ومين اللي هينفذه وايه حكاية التريليون جنيه اللي هتتصرف.. رئيس الحكومة الدكتور مصطفى مدبولي خرج من ساعات واتكلم في تفاصيل اقتصادية كتير ومن بين التصريحات دي كانت فيه مفاجأة من العيار التقيل وهي إعلان الحكومة عن مشروع ضخم عبارة عن بناء مدينة جديدة غرب القاهرة بالقرب من مطار سفنكس في قلب الصحراء بتكلفة مبدئية تصل إلى تريليون جنيه قابلة للزيادة.. ايوا زي ما حضرتك سمعت كده مدينة جديدة من فئة المدن العملاقة هتتولد في مصر وفي قلب الصحرا..شوف ياسيدي المشروع اسمه مدينة “جريان” وهي جزء من مشروع الدلتا الجديدة الضخم اللي بيستهدف زيادة المساحات المزروعة في مصر باكتر من 2,5 مليون فدان غرب دلتا النيل واللي بدأ العمل فيه سنة 2021 وكان الهدف منه تعزيز إنتاج محاصيل استراتيجية زي القمح والذرة والعمل على خفض كلفة استيراد الغذاء.. والدلتا الجديدة هي الأحدث في سلسلة من المشاريع الضخمة اللي انطلقت في عهد الرئيس عبد الفتاح السيسي وتضاف لقائمة مشروعات قومية غير مسبوقة في مصر زي العاصمة الإدارية الجديدة.. نرجع بقي لمشروع جريان واللي الدكتور مدبولي قال عليه إنه هيكون ثورة عمرانية وتنموية بكل المقاييس.المشروع الجديد في جريان هيساهم في توفير 250 ألف وظيفة جديد يعين ربع مليون أسرة بمتوسط كل أسرة 4 أفراد يعني بنتكلم في مشروع هيوفر دخل لمليون مصري على الأقل.. عاوز تعرف حجم المشروع… شوف ياسيدي الدكتور مصطفى مدبولي قال إن جريان مش مجرد مشروع سكني وزراعي لكن دا يداية لتطوير منطقة أوسع توازي مساحتها مساحة أربع أو خمس محافظات..وتقدر تتخيل طبعا حجم المساحة هتكون ازاي.. يعني هيكون فيه مصر جديدة في المنطقة اللي هيقام عليها المشروع.وحسب التفاصيل المتاحة فيه قناة متفرعة من النيل هتعبر نحو 20 % من المدينة وهستخدم للري وكمان لتوفير مناظر طبيعية كورنيش كأنك على كوبري قصر النيل. .. المشروع كمان بيضم مساكن فخمة وبرج من 80 طبقة إضافة إلى فروع لجامعات دولية ومستشفيات وفندق صديق للبيئة وهيكون فيه مناطق تجارية ومناطق علامية وثقافية بحسب شركات التطوير اللي هتنفذ المشروع واللي هتبدأ في أعمال الإنشاء في المدينة ويتوقع المشروع يظهر للنور خلال 5 سنين من دلوقتي.طبعا مشروع جريان بيعتبر مشروع من مشروعات الأجيال الجديدة اللي جاية يعني السيسي بيشتغل للمستقبل عشان الأجيال الجاية تلاقي مشروعات قومية واقتصاد قومي وقادر على المنافسة ويلاقي مجتمعات جديدة قابلة للتطور والتوسع.. دا غير إن المعدل الزمني لتنفيذ المرحلة الأولى بيقول إن الاقتصاد المصري هيستفاد من المشروع الجديد باسرع وقت وهيحقق استثمارات ضخمة في المنطقة الجديدة في جريان واللي هتتحول لنقطة جذب قوية للاستثمارات العربية والأجنبية ودا غير تأثير المشروع الجديد على الزراعة والتجارة والصناعة والتصدير والاكتفاء الذاتي والسياحة وغيرها وغيرها.. يعني خير كتير جاي البلد.
