كشف الفنان حسن أبو الروس عن لقائه بمحمد صلاح، لاعب نادي ليفربول الإنجليزي ومنتخب مصر، مشيرًا إلى أنه قام بغناء أغنية من كلماته خصيصًا له منذ نحو 7 سنوات تحمل اسم “يا نجم يا ستار”.
نشر “أبو الروس” صورة تجمعه بـ محمد صلاح عبر “إنستجرام”، موضحًا: “اللي ناس كتير متعرفوش إن من حبي في (صلاح) عملت له أغنية زمان لما اتصاب من لعيب اسمه (راموس) في كأس العالم اسمها (يا نجم يا ستار)” .
وجاءت كلمات أغنية “يا نجم يا ستار” على النحو الآتي:
مو صلاح لا لا لا لا لا
يا نجم يا ستار
وجودك ب١٠ أنفار
ألف سلامه عليك يا برنس
من غيرك عايشين ساسبينس
اللي ييجي عليك هيزعل
عيب عليك وراك ديفينس
يا قمر يا عظيم
انت مش محتاج ريجيم
عاش أحسن تمرين
دي فورمة وحش التنين
لا و الروح كمان رياضية
أخر الرجال المحترمين
أخر الرجال المحترمين
يا نجم يا ستار
وجودك ب١٠ أنفار
مو صلاح لا لا لا لا لا لالالا
لسانك بينقط سكر
كل مشوفك أحبك أكتر
أي حاجة منك حلوة
انت مش محتاج تفكر
انت مش محتاج تفكر
يا مافيا يا تقيل
يا أطيب من الضرفيل
حنيتك سابقة دراعك
و اللي في جيبك مش بتاعك
العيبة مبتطلعش منك
حتى مع الحلو اللي باعك
حتى مع الحلو اللي باعك
يا نجم يا ستار
وجودك ب١٠ أنفار
تنزل تفرم الحشيش
شعرك أفرو مش كنيش
بقيت خلاص في البيوت
أهم من المطبخ و النيش
أهم من المطبخ و النيش
يا حلو يا رايق
بنزعل لما بتضايق
سنتر هاف و كمان باك وينج
ملك الغابه إيجيبشن كينج
فن ، أدب ، ذكاء ، و شياكه
في البدله أو في الترينج
يا جامد يا لعيب
نحطك عالجرح يطيب
يا نجم يا ستار
وجودك بـ 10أنفار
يا عظيم يا حكاية
يكتب عنك رواية
مو صلاح لا لا لا لا لا لالالا
