وجهت أسما شريف منير، رسالة للمتنمرين ولكل من انتقدها بعد إعلان زواجها، موضحة أنها لا تنزعج من كل هذه الأمور.
كتبت “منير” عبر حسابها الرسمي على موقع التواصل الاجتماعي وتبادل الصور والفيديوهات “إنستجرام”: “لكل شخص شتمني، تنمّر عليّا، أو أساء الظن بيّا، أنا مش بزعل، ومش باخدها على قلب، مش لأني ما بحسّش، لكن لأني تعلّمت إن القلوب اللي فيها نور، بتعفو، وبتعدي، لأن ربنا قال: (والكاظمين الغيظ والعافين عن الناس والله يحب المحسنين)”.
تابعت: “أنا اخترت أبقى من الناس اللي ربنا يحبها، مش هرد إساءة بإساءة، ولا كلمة بكلمة. ربنا أمرنا نكون أرقى، حتى قدام الظلم: (ولا تستوي الحسنة ولا السيئة، ادفع بالتي هي أحسن)”.
نرشح لك: بالدموع.. تأثر مايان السيد خلال حفل زفاف شقيقتها
أكملت: “اللي بيني وبين ربنا عمره ما كان محتاج شهادة من بشر، واللي بيظن السوء، ربنا قال عنه: (يا أيها الذين آمنوا اجتنبوا كثيرًا من الظن، إن بعض الظن إثم)”.
أضافت: “أنا مسامحة من قلبي، مش ضع، لكن قوة إني ما أخليش الحقد و الزعل يسكن في صدري، وسايبة كل حاجة لربنا، لأنه قال: (فمن عفا وأصلح فأجره على الله)”.
أشارت: “أنا عندي رسالة أمل، وبدعي من قلبي إن ربنا يكرم كل ست ويشجعها تتجوز وتبدأ من جديد من غير ما تخاف من المجتمع، ولا من نظرات الناس اللي كده كده الناس بتصطاد الأخطاء، ربنا يعفينا منهم، ولا من الكلام اللي بيقول: (مريضة – مستفزة – بجحة)، وكلام كتير مالوش لازمة، كله اتبدل بحسنات. ربنا هو اللي بيختار ويعوض مش الناس”.
كانت أسما شريف منير قد أعلنت عن زواجها من خلال نشر صورًا لها مع زوجها من عقد القران وكتبت: “حبيبي وعوض ربنا ليا.. أطيب وأحن راجل في الدنيا بعد أبويا طبعًا.. بحبك”.
