طرحت المطربة أمينة، أغنية جديدة عبر قناتها الرسمية على موقع “يوتيوب” بعنوان “سد يا ماما سد”.
أغنية “سد يا ماما سد” من كلمات عمرو قطب، ألحان حسين زكريا، توزيع نوار البحيري، الذي رحل عن عالمنا يوم الأحد الماضي.
وجاءت كلمات الأغنية كالآتي:
نعمل حساب لمين دي عيال بيسننوا
تاريخهم صفحتين وقاعدين يتكلموا
نسيوا ان احنا التاريخ والختم المعتمد
وعشان ياخدوا الشهاده في جامعتنا يقدموا
تخشوا ويا مين مقارنه
داحنا اهرامات في كارنا
واترسمنا واتعوجنا
لحد مااتنحل وبرنا
واجهه من زمان ويافطه
أنظار العتاوله خاطفه
اسمي يتذكر تحطوا
تحت منه ألف شارطه
سد ياماما سد
ماسمعش صوت حد
اللي هيعمل قلق
عىي رجله هيتمد
سد ياماما سد
ماسمعش صوت حد
ماتعمليش فيها حمله
وتدخلي في حاره سد
انا داخله افرد جسمي شويه
لو جالك الشوق رني عليا
مش عايزين جعجعه ع الفاضي
عندي صداع ودماغي مهريه
انزلي من علي ودني وكني
بطلي كل شويه تزني
مهما عملتي ومهما وصلتي
هتعيشي وتموتي بتغيري مني
انتوا فين علي الخريطه
ولا هو شغل زيطه
الأساس بتاعكوا فاضي
طوبكوا مابيسندش حيطه
انتوا مش في مستوانا
عشان نشوفكوا بالامانه
إلعبوا ويا حد غيرنا
لسه زيكوا في حضانه
حبة بواقي علي كماله
وجنبي بتعانوا بطاله
وانجازاتكوا كتاب فاضي
وتاريخكوا كله أوضه وصاله
حبة فكه في حصاله
واخركوا كام بوست وحاله
من كتر منا عاليه عليكوا
طالعين ورايا علي سقاله
